Monday, February 27, 2012

ڤيتامين دي


درجه الحراره ٤ درجات، في صورة شمس، بس انا بقلقو شمس خياليه، موجوده ومش محسوسه. بس انا مبسوطه فيها، حطيت العدسات، حطيت نظارات الشمس وطلعت احسها. 


هي شوي زنخه هاي الشمس، بتخليني احس انها موجوده، بركض وراها، بحاول المسها، وبتغيب، بنساها، فجأه بتطلع كمان مره. بحبها لما تطلع. بحس منيح وحلوه ونشيطه ومبسوطه، وفش حاجي لڤيتامين دي لأنها ابطعتيني اياه لحالها.
بدي اقاصصها، تركتها وفتت علي القهوه اللي هي زي مكتبه، ملان ناس، بس مشَنْصَه معي اليوم ولاقيت محل، هيك عللوج. بشوف وبنشاف. "ايديألي". طلبت لزانيا بولونيز (مع لحمه وبندوره للي بعرفش)، بنِفسي ومش ماكلي كل اليوم، اخدت كمان بيره هوچاردن، بحبها، اعطوني رقم ١٢ وقالولي اكم دقيقه وبوصل الاكل. 

رجعت محلي، قعدت وفش دقيقه ولاّ جاي عندي الملتساريت (النادله)، قلت بنفسي واو، كمان شمس وكمان اكل هيك بسرعه، هاد يوم الهنا تبعي، لازم أعَبي لوطو، ولاّ بتقولي إنو فش لزانيا بولونيز، بس لازانيا ڤيجيتيريان!!! بقلها انا مالي ومال الڤجتيريان؟ بتعرفيش انو انا كربوناريت؟!! 

طلعت بتعرفش!!

المهم، رضينا بالنصيب. عم بستنى تانشوف اذا النصيب راح يرضى فينا بس يوصل الأكل. 

حيّاكم الله.

Friday, February 24, 2012

سوشي من اول نظره



امبيرح كنت بمحاضره عن التصميم.

 تعصبنت انو فتحو مجال الاسئله بكير كتير، والنتيجه كانت انو حكو عن كل اشي غير التصميم ومن ٥٠ صفحة باوربوينت شكلن كتير حلوين، مرقنا على يمكن ٧.
الاسئله كانت حلوه بس مش بمحلها.
عملوها محاضره "كيف تقيم شركه تصميم؟" وبصراحه ما عجبنيش  الوضع وتنفرت بقلبي. يما قديش تنفرت! كتير.

ففتحت نفسي على سوشي، اه هيك انا (سامع بابا؟ للمره الجاي اللي بتعصبني فيها، حضر سوشي عجنب مش تقول للماما تتصلي.)

منكمل.

فرُحت عل جانك ( junk) سوشي اللي تحت بيتي وطلبت رول شريمس تامبوره. 

واستنيت.

التايلاندي (اه السوشي ياباني) بدي يشتغل. وانا اطلع عليه وعلى خفة اصابعيه. ومن مره لمره، اطلع بعينيه ويطلع بعيني. 

وحضر الرول، وقبل ما طلعت، تبسملي وتبسمتلو.

وصلت البيت، غسلت، قعدت، حطيت هيك السوشي على الطاوله الملاني اوراق. 
وقعدت على الصوفا، او بالاحرى على الاواعي اللي بدن طوي وصرلن جمعه قاعدين على الصوفا، ويلا يا عرب، هجوم.

 ١٠ دقايق ولا بقي اشي بالصحن وحتى الوسابي بلعته وحسيت نار نار. بس حلوه النار مرات.

المهم وبلا طولة سيره، كان لذيذ جدا جدا جدا وحسيت انو الرول كان معمول ب"أهاڤا"، حب للي مش فاهم. 
وكل اللي كان قصدي اقولو، انو حسيت علاقة حب من نظره اولى. 
(يمكن تالته رابعه، بس انو فاهمين قصدي)

يلا نحب؟!!
  الصوره التقطت بعدسه انجليك في مطعم تسوكيجي (على اسم اشهر سوق سمك بالعالم) في حاره الجينزا في طوكيو اليابان (٢٠٠٩) - ومش بالجانك سوشي بحارتي بكوبنهاجن

Thursday, February 23, 2012

ببساطة مختصرة

مع كل دمعةٍ تذرف، ينكسر شيئاً ما في قلبي، وما علي إلا أن أجمع ضحكاتي لألصقه...

Tuesday, February 21, 2012

لا حدود لهويتي



أسكن على الحدود ولا حدود لهويتي

فأنا طائر يسبح وسمك يحلق
السماء مأواي والأرض ملعبي
في البحر دوائي والنار مائي 

أسكن على الحدود,

على حدود الفنطازية والفعل 
على حدود المرأة والرجل
على حدود الحداثة والجهل
على حدود النجاح والفشل
على حدود العبقريه والهبل
على حدود النهار والليل
على حدود القلب والعقل
على حدود الجبل والسهل
على حدود النشاط والخمل
على حدود الأسد والحمل
على حدود العذريه والفحل
على حدود الصخر والرمل
على حدود البقاء والزول
على حدود  البكاء والهزل
على حدود الصحو والثمل 
على حدود الإكتئاب والأمل
على حدود الشعر والنثر
على حدود العبد والحر 
على حدود الانثى والذكر
على حدود المثل والغير
على حدود البيت والسفر
على حدود الخيمة والقصر
على حدود الدين والكفر
على حدود الأرض والقمر  
على حدود البخل والبذر
على حدود النوم والسهر
على حدود العمى والبصر
على حدود الصوم والبطر
على حدود الحلو والمر
على حدود العصبية والصبر 
على حدود السلامة والخطر 

أسكن على الحدود ولا حدود لهويتي

فأنا طائر يسبح وسمك يحلق
السماء مأواي والأرض ملعبي
في البحر دوائي والنار مائي 

أسكن على الحدود...



Friday, February 17, 2012

وحدتك

وحيدةٌ أنتِ...
في عيناك بريقٌ آخر،
حزين!
تقولين أنك تُحبين وِحدتَك،
بأنها رفيقك الأمين...

عُذراً إن لم أُصدقك،
فليس هذا إستهزاءً لمشاعرك،
أو إنتقاداً مُهين...
بل إيماناً،
بأنني أرى ما لا يُحكى،
وأُقسم بالله أنكِ تَدرين...

أتمنى لو أكون،
 تلك التي تملأ فراغ وِحْدتك،
مَن تُلهف قَلبَكِ المجروح،
ومع عقلك المنبوذ،
يداً بيدٍ أمشي،
وتمشين...

كم مريبٌ،
أن يرى الانسان
 ما لا يُحكى...
وكم أتوق،
أن ما لا أحكي،
 ترين...

Saturday, February 4, 2012

To do list - February 2012

  • Write a 10 minutes short film script.  (Productivity)
  • Finish the Tower Bridge lego.  (Spirit)
  • Breath.  (Life)
  • Go to "Lost & Found", and look for me.  (Direction)
  • Subscribe to the gym - and try to really visit it.  (Health)
  • Tell valentine and his day to F*ck off - Pardon my French.  (Break the rules) 
  • Focus.  (Work)


After doing all the above, run for the presidency of the United States of Angelica! 
Go Girl, Go!