امبيرح كنت بمحاضره عن التصميم.
تعصبنت انو فتحو مجال الاسئله بكير كتير، والنتيجه كانت انو حكو عن كل اشي غير التصميم ومن ٥٠ صفحة باوربوينت شكلن كتير حلوين، مرقنا على يمكن ٧.
الاسئله كانت حلوه بس مش بمحلها.
عملوها محاضره "كيف تقيم شركه تصميم؟" وبصراحه ما عجبنيش الوضع وتنفرت بقلبي. يما قديش تنفرت! كتير.
ففتحت نفسي على سوشي، اه هيك انا (سامع بابا؟ للمره الجاي اللي بتعصبني فيها، حضر سوشي عجنب مش تقول للماما تتصلي.)
منكمل.
فرُحت عل جانك ( junk) سوشي اللي تحت بيتي وطلبت رول شريمس تامبوره.
واستنيت.
التايلاندي (اه السوشي ياباني) بدي يشتغل. وانا اطلع عليه وعلى خفة اصابعيه. ومن مره لمره، اطلع بعينيه ويطلع بعيني.
وحضر الرول، وقبل ما طلعت، تبسملي وتبسمتلو.
وصلت البيت، غسلت، قعدت، حطيت هيك السوشي على الطاوله الملاني اوراق.
وقعدت على الصوفا، او بالاحرى على الاواعي اللي بدن طوي وصرلن جمعه قاعدين على الصوفا، ويلا يا عرب، هجوم.
١٠ دقايق ولا بقي اشي بالصحن وحتى الوسابي بلعته وحسيت نار نار. بس حلوه النار مرات.
المهم وبلا طولة سيره، كان لذيذ جدا جدا جدا وحسيت انو الرول كان معمول ب"أهاڤا"، حب للي مش فاهم.
وكل اللي كان قصدي اقولو، انو حسيت علاقة حب من نظره اولى.
(يمكن تالته رابعه، بس انو فاهمين قصدي)
(يمكن تالته رابعه، بس انو فاهمين قصدي)
يلا نحب؟!!
الصوره التقطت بعدسه انجليك في مطعم تسوكيجي (على اسم اشهر سوق سمك بالعالم) في حاره الجينزا في طوكيو اليابان (٢٠٠٩) - ومش بالجانك سوشي بحارتي بكوبنهاجن
صحيح كيف كانت المحاضرة؟
ReplyDelete